‘நூறுசாமி’ திரைப்பட ரேட்டிங்: 3.5/5
Cast
Vijay Antony as Elumalai
Swasika as Selvi
Ajay Dhishan as Baskar
Sakthi as Vivek
Padinie Kumar as Sandhiya
Kavya Anil as Vandhana
Karunaas as Ganesan Mama
Lijomol as Angela Sister
Balaji Sakthivel as Pachai Perumal
Aruldoss as School Sir
Munishkanth as Munishwaran
Jenson Diwakar as Drivaa
Bucks as Kimki
Vinothini as Babyma
Crew
Written and Directed by Sasi
Produced by Meera Vijay Antony
Banner: Vijay Antony Film Corporation
DOP: S.B. Darshan Kirlosh
Music: Balaji Sriram
Editor: Harish Yuvaraj
Art Director: V. Sasi Kumar
Stunt Master: Ramkumar
Choreographer: Viji Satheesh
Lyrics: Mohan Rajan
Casting Director: Sugumar Shanmugam
Executive Producer: D. Naveen Kumar
Sound Engineer: S. Chandrasekar
Final Mixing: A.M. Rahmathullah
Sound Effects: Vijay Rathinam
Costume Designer: Durga Priya
Still Photographer: Mahesh Jayachandran
PRO: Nikil Murukan
இயக்குநர் சசி இயக்கத்தில் உருவாகியுள்ள ‘நூறு சாமி’ ஒரு பெண்ணின் மறுமண ஆசையை மட்டும் பேசாமல், அதற்கு பின்னால் இருக்கும் தனிமை, மனவலி, சமூகத்தின் பார்வை, பிள்ளைகளின் புரிதல் ஆகியவற்றை உணர்வுபூர்வமாக பதிவு செய்யும் படமாக உருவாகியுள்ளது.
இளம் வயதிலேயே கணவனை இழந்த செல்வி, தனது இரண்டு மகன்களை கஷ்டப்பட்டு வளர்க்கிறார். மகன்கள் கல்லூரியில் படிக்கும் வயதில் தனக்கு மறுமணம் செய்ய வேண்டும் என்ற விருப்பத்தை கூறும்போது, மூத்த மகன் அதற்கு எதிர்ப்பு தெரிவிக்கிறார். இதனால் அந்த ஆசையை மனதுக்குள் புதைத்து வைத்து வாழும் செல்வியின் நிலை மனதை நெகிழ வைக்கிறது. சில ஆண்டுகளுக்குப் பிறகு வாழ்க்கை அனுபவங்களால் முதிர்ச்சி அடையும் மகன்கள், தங்கள் அம்மாவின் மனதை புரிந்து கொண்டு அவருக்கு மறுமணம் செய்து வைக்க முடிவு செய்கிறார்கள். ஆனால் உறவினர்கள், ஊர் மக்கள் மற்றும் பழைய சமூக மனநிலைகள் அவர்களுக்கு தடையாக நிற்கின்றன. அந்த தடைகளை மீறி அவர்கள் தங்கள் அம்மாவின் வாழ்க்கைக்கு புதிய தொடக்கத்தை ஏற்படுத்தினார்களா என்பதுதான் படத்தின் கதை.
செல்வி கதாபாத்திரத்தில் நடித்துள்ள ஸ்வாசிகா படத்தின் மிகப்பெரிய பலம். ஒரு விதவையின் தனிமை, ஏக்கம், பிள்ளைகள் மீதான பாசம், சமுதாயத்தின் பார்வையால் ஏற்படும் வேதனை என அனைத்து உணர்வுகளையும் மிக இயல்பாக வெளிப்படுத்தியிருக்கிறார். படம் முழுவதையும் தனது தோளில் சுமந்து செல்லும் அளவுக்கு சிறப்பான நடிப்பை கொடுத்திருக்கிறார்.
மகன்களாக நடித்துள்ள அஜய் திஷான் மற்றும் சக்தி இருவரும் மிகவும் இயல்பாக நடித்திருக்கிறார்கள். தங்களது அம்மாவின் உணர்வுகளை புரிந்து கொண்டு அவருக்காக போராடும் பிள்ளைகளாக மனதில் நிற்கிறார்கள். கருணாஸ், லிஜோமோல், பாலாஜி சக்திவேல், அருள்தாஸ், முனீஷ்காந்த், ஜென்சன் திவாகர், காவ்யா அனில், பாடினி குமார் உள்ளிட்ட அனைவரும் தங்களது கதாபாத்திரங்களுக்கு நியாயம் செய்திருக்கிறார்கள்.
இரண்டாம் பாதியில் வரும் விஜய் ஆண்டனி குறைந்த நேரமே திரையில் தோன்றினாலும், தனது அமைதியான நடிப்பாலும் சில அழகான வசனங்களாலும் கவனம் ஈர்க்கிறார். அவரது கதாபாத்திரம் படத்திற்கு கூடுதல் வலிமையை சேர்க்கிறது.
தர்ஷன் கிர்லோஷின் ஒளிப்பதிவு கிராமத்து வாழ்க்கையையும் கதாபாத்திரங்களின் உணர்வுகளையும் இயல்பாக பதிவு செய்திருக்கிறது. பாலாஜி ஸ்ரீராமின் இசையும் பின்னணி இசையும் காட்சிகளுக்கு உயிரூட்டுகின்றன. ஹரிஷ் யுவராஜின் படத்தொகுப்பும் படத்தின் ஓட்டத்திற்கு துணை நிற்கிறது.
முதல் பாதியில் அதிகமான வசனங்களும் மெதுவான நகர்வும் சற்று தொய்வை ஏற்படுத்தினாலும், இரண்டாம் பாதியில் உணர்வுகள் நிறைந்த காட்சிகளும், மகன்களின் பாசமும், கிளைமாக்ஸின் அழகான கையாளுதலும் அந்த குறைகளை மறக்க வைக்கிறது.
அம்மாவை தெய்வமாக மட்டுமல்ல, உணர்வுகளும் ஆசைகளும் கொண்ட ஒரு மனிதராக பார்க்க வேண்டும் என்பதையும், மறுமணம் என்பது தவறல்ல, அது ஒரு பெண்ணின் சுயமரியாதைக்கும் தனிமையிலிருந்து விடுபடவும் தேவையான ஒரு வாழ்க்கைத் தேர்வு என்பதையும் மிகவும் நாகரிகமாகவும் உணர்வுபூர்வமாகவும் சொல்லியிருக்கும் படமாக நூறு சாமி மனதை தொடுகிறது. குடும்பத்துடன் பார்த்து பேச வேண்டிய முக்கியமான படைப்பாக இது அமைந்துள்ளது.
