லண்டனில் படமாக்கப்பட்ட ‘பூக்கி பொன்னம்மா’ ஆல்பம் பாடல் வெளியீட்டு விழா!
Story Culture நிறுவனம் தயாரிப்பில், Saregama India Limited நிறுவன வெளியீட்டில், பாலாஜி – மதுமிதா நடிப்பில், சசி மாஸ்டர் இயக்கம் மற்றும் நடன அமைப்பில் உருவாகியுள்ள ‘பூக்கி பொன்னம்மா’ ஆல்பம் பாடலின் பிரம்மாண்ட வெளியீட்டு விழா சென்னையில் நடைபெற்றது.
தமிழ் இசை உலகில் புதுமையான முயற்சியாக உருவாகியுள்ள ‘பூக்கி பொன்னம்மா’ ஆல்பம் பாடல், படக்குழு தெரிவித்தபடி, லண்டனில் முழுமையாக படமாக்கப்பட்ட முதல் ஆல்பம் பாடல் என்ற சிறப்புடன் உருவாகியுள்ளது. இந்தப் பாடலில் பாலாஜி மற்றும் மதுமிதா ஜோடியாக நடித்துள்ளனர்.
பிரபல நடன இயக்குநர் சசி மாஸ்டர் இந்தப் பாடலை இயக்கியதுடன், நடன அமைப்பையும் மேற்கொண்டுள்ளார். பாடலுக்கு AJ இசையமைத்துள்ளார். பாடலை G.V. பிரகாஷ் மற்றும் ஸ்னேகா இணைந்து பாடியுள்ளனர். பாடலுக்கான வரிகளை K.U. கார்த்திக் எழுதியுள்ளார். இந்த ஆல்பம் பாடலின் பிரம்மாண்ட வெளியீட்டு விழா சென்னையில் பத்திரிக்கை ஊடக நண்பர்கள் முன்னிலையில் கோலாகலமாக நடைபெற்றது. வடபழனியில் உள்ள பிரசாத் லேப் வளாகத்தில் நடைபெற்றது. இதில் ‘பூகி பொன்னம்மா’ பாடல் குழுவினருடன், திரையுலகம் மற்றும் சின்னத்திரையைச் சேர்ந்த ஏராளமான பிரபலங்கள் கலந்துகொண்டு படக்குழுவினருக்கு வாழ்த்துகளைத் தெரிவித்தனர்.
விழாவில் கலந்துகொண்ட சிறப்பு விருந்தினர்கள் மற்றும் ‘பூகி பொன்னம்மா’ ஆல்பம் பாடல் குழுவினர் தங்களது அனுபவங்களையும், பாடல் உருவான விதம் குறித்த சுவாரஸ்யமான தகவல்களையும் பகிர்ந்து கொண்டனர்.
எடிட்டர் பிரவீன் பாஸ்கர் பேசியதாவது..,
“அனைவருக்கும் வணக்கம். இந்தப் பாடலுக்கான எடிட்டிங் பணியை முதலில் என்னிடம் கொடுத்த சசி குமார் மாஸ்டருக்கு ஒரு பெரிய நன்றி. முதல் முறையாக இந்தப் பாடலைக் கேட்கும்போதே மிகவும் நல்ல வைபுடன், இளம் தலைமுறையினருக்குப் பிடிக்கும் வகையில் நல்ல எனர்ஜெட்டிக்கான பாடலாக இருந்தது. ஒரு நல்ல படைப்பில் நாம் வேலை செய்கிறோம் என்ற திருப்தி இருக்கும் அல்லவா, அந்த திருப்தி இந்தப் படைப்பில் இருந்தது. AJ இந்தப் பாடலை மிகவும் அழகாக உருவாக்கியிருக்கிறார். மாதவ் பிரதரும் பாடலை மிகவும் அழகாக விஷுவலாக கொண்டு வந்திருக்கிறார். இப்படி அனைத்து டெக்னீஷியன்களும் சிறப்பாகப் பணியாற்றிய ஒரு ப்ராஜெக்ட்டில் வேலை செய்தது மிகப்பெரிய ஆசீர்வாதம். இது அப்படிப்பட்ட ஒரு அழகான ப்ராஜெக்ட். பாலாஜி பிரதருக்கும் இந்த நேரத்தில் நன்றி தெரிவித்துக் கொள்கிறேன். மீண்டும் சசி குமார் மாஸ்டருக்கும் நன்றி. நன்றி.”
பாடகி சினேகா பேசியதாவது..,
“‘பூகி பொன்னம்மா’ பாடலில் G.V. பிரகாஷ் அவர்களுடன் இணைந்து பெண் குரலில் பாடியிருப்பது மிகவும் மகிழ்ச்சியாகவும், மனதுக்கு நெருக்கமான சிறப்பான தருணமாகவும் இருக்கிறது. இந்த வாய்ப்பை வழங்கிய இசையமைப்பாளர் AJ அவர்களுக்கு நன்றி. என்னுடைய குரல் மீது அவர் தொடர்ந்து நம்பிக்கை வைத்து, பல்வேறு முயற்சிகளிலும் என்னை ஊக்கப்படுத்தி வருகிறார். இந்த வாய்ப்பை வழங்கிய தயாரிப்பாளர் மற்றும் ஒட்டுமொத்த குழுவினருக்கும் நன்றி. எப்போதும் ஆதரவாக இருக்கும் என்னுடைய பெற்றோருக்கும் நன்றி. இந்தப் பாடலை ரசிகர்கள் கேட்கும் தருணத்தை மிகவும் ஆவலுடன் எதிர்பார்த்துக் கொண்டிருக்கிறேன்.”
ஒளிப்பதிவாளர் மாதேஷ் மாணிக்கம் பேசியதாவது..,
“இந்தப் ப்ராஜெக்ட்டில் இணைந்து பணியாற்றியது எங்களுக்கு மிகவும் சந்தோஷமாக இருக்கிறது. முதலில் தமிழ் சினிமாவின் பாலாஜிக்கு வரவேற்பு தெரிவித்துக் கொள்கிறேன். மொழி தெரியாத ஒரு இடத்தில், எனக்கு முழு ஆதரவாக இருந்த அனைத்து டீம் உறுப்பினர்களுக்கும் நன்றி. குறிப்பாக பிரின்ஸ் மற்றும் ஷர்மிலா இருவரும் படப்பிடிப்புப் பணிகளை ஒருங்கிணைத்தார்கள். அவர்களுக்கும் என்னுடைய வாழ்த்துகள். இங்கே வர முடியாமல் இருந்த என்னுடைய டீம் உறுப்பினர்களான மார்க், கீ மற்றும் அகிலன் ஆகியோருக்கும் இந்த நேரத்தில் நன்றி தெரிவித்துக் கொள்கிறேன். இந்தப் பாடல் அனைவருக்கும் பிடிக்கும் வகையில் சிறப்பாக வந்திருக்கிறது. அனைவருக்கும் என்னுடைய வாழ்த்துகள். நன்றி.”
இசையமைப்பாளர் A.J. பேசியதாவது..,
“முதலில் பிரின்ஸுக்கு ரொம்ப நன்றி. அவர்தான் இந்தப் ப்ராஜெக்ட்டை ஒருங்கிணைத்தார். அதன் மூலமாகத்தான் எனக்கு பாலாஜி பிரதர் அறிமுகமானார். இந்தப் ப்ராஜெக்ட்டைத் தாண்டி, பாலாஜி பிரதரும் நானும் மிகவும் நெருக்கமான நண்பர்களாகிவிட்டோம். எதிர்காலத்தில் இன்னும் நிறைய பணிகளில் இணைந்து பணியாற்றுவோம் என்று நம்புகிறேன். சசி பிரதர் இந்தப் பாடலை மிகவும் அழகாக உருவாக்கியிருக்கிறீர்கள். அதற்கு மிக்க நன்றி. மாதேஷ் பிரதர் விஷுவல்ஸை மிகவும் சிறப்பாக செய்திருக்கிறீர்கள். ஹீரோயினும் பாடலில் சிறப்பாக நடித்திருக்கிறீர்கள். நன்றி. இந்தப் பாடலுக்கான பெண் குரலை வழங்கிய சினேகாவுக்கும் நன்றி. அதேபோல் G.V. பிரகாஷ் பிரதருக்கு எவ்வளவு நன்றி சொன்னாலும் போதாது. இது நான் அவருடன் இணைந்து பணியாற்றும் மூன்றாவது இன்டிபென்டன்ட் டிராக். அதுமட்டுமல்லாமல், அடுத்த ஆண்டு அவருடன் இணைந்து பணியாற்றும் ஒரு பெரிய அறிவிப்பும் இருக்கிறது. இந்தப் பாடல் வெளியாகி இருக்கிறது. அனைவரும் பார்த்து, கேட்டு ரசிக்க வேண்டும். நன்றி.”
சின்னத்திரை நடிகர் கார்த்தி பேசியதாவது..,
“எல்லாருக்கும் வணக்கம். உங்கள் பக்கமிருந்து பார்த்திருக்கிறேன். முதல் முறையாக இங்கு வந்து நிற்கிறேன். அதற்குக் காரணம் சசி மாஸ்டர். இந்த வாய்ப்பை கொடுத்து, இந்த நிகழ்வில் வாழ்த்துகள் சொல்ல அழைத்ததற்கு நன்றி. இந்தப் பாடலை நானும் உங்களைப் போலவே ரசித்துப் பார்த்தேன். பாடல் மிகவும் சிறப்பாக இருந்தது. சசி மாஸ்டர் யாரை வேண்டுமானாலும் ஆட வைத்துவிடுவார் என்பதற்கு இந்தப் பாடலே ஒரு சிறந்த எடுத்துக்காட்டு. ஒரு சிலையையே பாடலில் ஆட வைத்திருக்கிறார். எனக்கு டான்ஸ் என்றாலே கொஞ்சம் பயம். ஆனால் இதைப் பார்த்த பிறகு, நாமும் எதிர்காலத்தில் ஏதாவது ஒரு ஆல்பம் பாடலில் ஆடலாம் என்ற நம்பிக்கை வந்திருக்கிறது. பாலாஜி, மதுமிதா இருவரும் ஃப்ரேமில் மிகவும் அழகாக இருக்கிறீர்கள். இந்தப் பாடலுக்காக இருவருக்கும் என்னுடைய வாழ்த்துகள். இவர்களுக்கு ஆதரவாக நான் வந்திருக்கிறேன் என்றால், அதேபோல் நீங்கள் அனைவரும் இங்கு வந்து ஆதரவு கொடுத்திருக்கிறீர்கள் என்பது மகிழ்ச்சியாக இருக்கிறது. இந்தப் பாடலை நல்ல முறையில் ஆதரித்து வெற்றி பெறச் செய்யுங்கள். நன்றி.”
நடிகை காயத்ரி பேசியதாவது..,
“இந்த நிகழ்வுக்கு வந்திருக்கிற அனைவருக்கும் ரொம்ப ரொம்ப நன்றி. இந்தப் பாடலைப் பார்க்கும்போது மிகவும் சுவாரஸ்யமாக இருந்தது. குறிப்பாக இன்றைய இளம் காதலர்களுக்கு இதில் நிறைய மெசேஜ்கள் இருக்கின்றன. நம்முடைய பார்ட்னருக்கு நேரம் ஒதுக்குவது எவ்வளவு முக்கியம் என்பதையும், அப்படி நேரம் கொடுக்காமல் போனால் பிரேக்-அப் வரக்கூடும் என்பதையும் பாடல் அழகாக சொல்லியிருக்கிறது. அதன்பிறகு அந்த பிரேக்-அப்பை சரி செய்வதற்காக லண்டன் வரை சென்று சாரி கேட்க வேண்டிய சூழ்நிலையும் சுவாரஸ்யமாக சொல்லப்பட்டிருக்கிறது. அதேபோல், நம்முடைய பார்ட்னர் மீது கோபப்பட்டாலும், இப்படிப்பட்ட அழகான இடங்களுக்குச் சென்று மீண்டும் பேட்ச் அப் செய்துகொள்ளலாம் என்பதுபோன்ற ஒரு சுவாரஸ்யமான விஷயத்தையும் பாடல் சொல்லியிருக்கிறது.
மது அவர்களை இதுவரை ஒரு விதமாகப் பார்த்திருக்கிறோம். ஆனால் இந்தப் பாடலில் திரையில் இருவருமே மிகவும் அழகாக இருக்கிறீர்கள். கேமரா வொர்க், லொகேஷன் என அனைத்துமே சிறப்பாக இருந்தது. குறிப்பாக லண்டன் லொகேஷனின் அழகு பாடலுக்கு கூடுதல் சிறப்பை கொடுத்திருக்கிறது. சசி மாஸ்டரைப் பற்றி குறிப்பிட்டே ஆக வேண்டும். கார்த்தி சொன்னதைப் போல மாஸ்டர் யாரை வேண்டுமானாலும் ஆட வைத்துவிடுவார். என்னையும் ஆட வைத்து சமீபத்தில் ஒரு நிகழ்வை நடத்தியிருந்தார். அதற்கு நன்றி. இதுபோல் இன்னும் நிறைய நல்ல ப்ராஜெக்ட்களை எங்களுக்கு வழங்க வேண்டும். நன்றி.”
நடிகை காவ்யா பேசியதாவது..,
“அனைவருக்கும் வணக்கம். முதலில் என்னை இந்த நிகழ்வுக்கு அழைத்ததற்கு நன்றி. சசி மாஸ்டரை கிட்டத்தட்ட 15 வருடங்களாக எனக்குத் தெரியும். பழைய விஷயங்கள் எதையும் மறக்காமல், தன்னுடன் பணியாற்றிய அனைவரும் நன்றாக இருக்க வேண்டும், எல்லோரும் வளர வேண்டும் என்று நினைக்கக்கூடிய நல்ல மனம் கொண்டவர். அவருடன் பல நிகழ்ச்சிகளில் பணியாற்றியிருக்கிறேன். அவருடைய வளர்ச்சியைப் பார்க்கும்போது உண்மையிலேயே மிகவும் மகிழ்ச்சியாக இருக்கிறது. இந்தப் பாடலைப் பார்த்தபோது, ‘இது ஒரு படமாக இருந்திருக்கக்கூடாதா?’ என்ற எண்ணம் வந்தது. முதல் காட்சியைப் பார்த்ததிலிருந்தே இன்னும் கொஞ்சம் நேரம் இந்தக் கதை பயணித்திருக்கலாமே என்ற உணர்வு இருந்தது. பாடல் அந்த அளவுக்கு அழகாக இருந்தது. ஹீரோ, ஹீரோயின் இருவரும் ஃப்ரேமில் வேற லெவலில் இருக்கிறார்கள். லண்டன் லொகேஷனும் அவர்களுடைய தோற்றமும் ஒன்றுக்கொன்று அவ்வளவு அழகாக பொருந்தியிருந்தது. குறிப்பாக சசி மாஸ்டரின் நடன அமைப்பு மிகவும் சிறப்பாக இருந்தது. A.J. மிகவும் அழகான பாடலை உருவாக்கியிருக்கிறார். அவருக்கு என்னுடைய வாழ்த்துகள். இன்னும் நிறைய நல்ல பாடல்களை அவரிடம் இருந்து கேட்க வேண்டும் என்று ஆசைப்படுகிறேன். அதேபோல் எடிட்டிங்கும் மிகவும் நன்றாக இருந்தது. இவ்வளவு அழகான விஷயங்களை ஒரே ஆல்பமாக ஒருங்கிணைப்பது எளிதான விஷயம் கிடையாது. ஆனால் இந்தக் குழு அதை சிறப்பாக செய்திருக்கிறது. இந்த ஆல்பம் பாடலைப் பார்த்த பிறகு, இதே குழுவினர் இணைந்து ஒரு முழுநீளப் படத்தை உருவாக்க வேண்டும் என்ற ஆசை எனக்கு இருக்கிறது. எதிர்காலத்தில் சசி மாஸ்டர் மற்றும் இந்த முழுக் குழுவும் இணைந்து ஒரு நல்ல படத்தை எங்களுக்குக் கொடுக்க வேண்டும் என்று வாழ்த்துகிறேன். ஒட்டுமொத்த குழுவினருக்கும் என்னுடைய வாழ்த்துகள். நன்றி.”
நடிகர் விக்கி பேசியதாவது..,
“அனைவருக்கும் வணக்கம். கார்த்தி சொன்னதைப் போல, நானும் முதல் முறையாக இதுபோன்ற ஒரு மேடையில் நிற்கிறேன். அதற்குக் காரணம் சசி மாஸ்டர். அவர் ஒரு மெசேஜ் அனுப்பி, ‘விக்கி, இந்த மாதிரி ஒரு விஷயம் இருக்கு’ என்று சொன்னார். உடனே ‘கண்டிப்பாக நான் இங்கே இருப்பேன் மாஸ்டர்’ என்று சொல்லிவிட்டேன். அவர் கோரியோகிராஃபி செய்த நிறைய விஷயங்களைப் பார்த்திருக்கிறேன். ஆனால் அவர் இயக்கும்போது எப்படி இருக்கும் என்பதைப் பார்ப்பதற்காகத்தான் முக்கியமாக இங்கு வந்தேன். மதுவின் நடனத்தை நிறைய நிகழ்ச்சிகளில் பார்த்திருக்கிறேன். இந்தப் பாடலில் பாலாஜி பிரதர் மிகவும் சிறப்பாக செய்திருக்கிறார். குறிப்பாக ஆரம்பக் காட்சிகளில் அவருடைய ரியாக்ஷன்கள் ஒரு நடிகராக மிகவும் நன்றாக இருந்தது. AJ பிரதரின் இசையும், பாடலின் ஹூக் மூவ்மென்ட்ஸும் மிகவும் பிடித்திருந்தது. சசி மாஸ்டரின் ஹூக் ஸ்டெப்பும் மிகவும் சிறப்பாக இருந்தது. வெளிநாட்டில் படப்பிடிப்பு நடத்தும்போது நிறைய செலவு செய்து படமாக்குகிறோம். அந்த லொகேஷனின் அழகும், விஷுவல்ஸும் திரையில் சரியாக வெளிப்பட வேண்டும். அந்த வகையில் DOP பிரதர் மிகவும் சிறப்பாக ஃப்ரேமிங் செய்திருக்கிறார். எல்லா விஷயங்களும் மிகவும் அழகாக இருந்தது. எடிட்டரும் சிறப்பாகப் பணியாற்றியிருக்கிறார்.
முழு குழுவினருக்கும் என்னுடைய வாழ்த்துகள். எதிர்காலத்தில் இதே குழு ஒரு திரைப்படமாக இணைந்து பணியாற்றினால் இன்னும் சிறப்பாக இருக்கும் என்று நினைக்கிறேன். அனைவருக்கும் ஆல் தி பெஸ்ட். நன்றி.”
VJ ராகேஷ் பேசியதாவது..,
“முதலில் இங்கு வந்திருக்கிற அனைத்து மீடியா நண்பர்களுக்கும் வணக்கம். இந்தப் பாடலை நான் ஏற்கனவே பார்த்திருக்கிறேன். பாலாஜி எனக்கு சுமார் 10 ஆண்டுகளாக நண்பர். பொதுவாக ஆல்பம் பாடல் என்றால் குறிப்பிட்ட சில இடங்களில் படமாக்குவார்கள். ஆனால் இந்தப் பாடலை லண்டன் பிரிட்ஜ் உள்ளிட்ட அழகான வெளிநாட்டு லொகேஷன்களில் படமாக்கியிருப்பது மிகவும் மகிழ்ச்சியாக இருக்கிறது. இந்தப் பாடலுக்காக பாலாஜி எடுத்துக்கொண்ட முயற்சிக்கு ஒரு பெரிய பாராட்டு. மீடியாவில் இருந்து வருவது, குறிப்பாக எந்தவிதமான பின்புல ஆதரவும் இல்லாமல் தன்னுடைய முயற்சியால் ஒரு ஆல்பம் பாடலை உருவாக்கி அதை மக்களிடம் கொண்டு சேர்ப்பது சாதாரண விஷயம் கிடையாது. கேமராவை எப்படி எதிர்கொள்வது, எப்படி நடிக்க வேண்டும், எப்படி நடனமாட வேண்டும் என்று பயிற்சி பெற்றவர்களைப் போல பாலாஜி இந்தப் பாடலில் சிறப்பாக செய்திருக்கிறார். அவருக்கு என்னுடைய வாழ்த்துகள். சசி மாஸ்டர் இந்தப் பாடலுக்கு கொடுத்திருக்கும் ஹூக் ஸ்டெப்ஸ் மிகவும் சிறப்பாக இருக்கிறது. அவர் ஒரு பாடலை அமைக்கும்போது அதை மீண்டும் மீண்டும் பயிற்சி கொடுத்து, நம்முடைய மனதில் பதிய வைப்பார். அதுபோல இந்தப் பாடலின் ஹூக் ஸ்டெப்பும் நன்றாக இருக்கிறது. மதுமிதாவும் லண்டன் லொகேஷனில் மிகவும் அழகாக இருக்கிறார். AJ-யை நான் முன்பே அறிந்திருக்கிறேன். அப்போது பின்னணி இசையில் பணியாற்றிக் கொண்டிருந்தவர், இன்று இசையமைப்பாளராக வளர்ந்திருப்பது மகிழ்ச்சியாக இருக்கிறது. அவருக்கு பெரிய வாழ்த்துகள். இன்னும் நிறைய நல்ல பாடல்களையும் படங்களையும் செய்ய வேண்டும்.
இந்தப் பாடல் மிகவும் அழகாகவும் கலர்ஃபுல்லாகவும் இருக்கிறது. இங்கு வந்திருக்கும் அனைவரும் நட்புக்காக வந்திருக்கிறோம். இந்தப் பாடல் இன்னும் பல இடங்களுக்குச் சென்று சேர வேண்டும். குறிப்பாக இந்தப் பாடலை உருவாக்குவதில் முக்கிய பங்கு வகித்த பிரின்ஸுக்கும் என்னுடைய வாழ்த்துகள். நாங்கள் இருவரும் ஒரே காலகட்டத்தில் வாய்ப்புகளைத் தேடி வந்தவர்கள். இன்று அவர் மீடியாவில் தனக்கென ஒரு இடத்தை உருவாக்கியிருப்பது மிகவும் மகிழ்ச்சியாக இருக்கிறது. அவருக்கும் என்னுடைய வாழ்த்துகள். இந்த அழகான பாடலை அனைவரும் சேர்ந்து ஆதரித்து பல இடங்களுக்குக் கொண்டு செல்ல வேண்டும். நன்றி.”
நடிகை மதுமிதா பேசியதாவது..,
“முதலில் இந்தப் பாடல் குழுவினர் அனைவருக்கும் என்னுடைய வாழ்த்துகள். பாடலைப் பார்த்தவுடனே இது கண்டிப்பாக ஹிட்டாகும் என்ற நம்பிக்கை வந்தது. ஏனென்றால் பாலாஜி, மதுமிதா இருவருமே ஒவ்வொரு ஃப்ரேமிலும் மிகவும் அழகாக இருந்தார்கள். அதேபோல் சசி மாஸ்டரின் கோரியோகிராஃபியும் மிகவும் சிறப்பாக இருந்தது. குறிப்பாக பாடலின் ஹூக் ஸ்டெப் எனக்கு மிகவும் பிடித்திருந்தது. காஸ்ட்யூம்ஸும் மிகவும் அழகாகவும் கச்சிதமாகவும் இருந்தது. மதுமிதாவுக்கும் ஒட்டுமொத்த குழுவினருக்கும் இந்தப் பாடல் நல்ல வெற்றியைப் பெற வேண்டும் என்று என்னுடைய வாழ்த்துகளைத் தெரிவித்துக் கொள்கிறேன். நன்றி, வணக்கம்.”
RJ கார்த்தி பேசியதாவது..,
“அனைவருக்கும் வணக்கம். முதலில் என்னை இவ்வளவு பெரிய பாராட்டுக்குரிய நபர் போல அறிமுகப்படுத்தியதற்கு நன்றி. இந்த நிகழ்வுக்கும் எனக்கும் நேரடி சம்பந்தம் இல்லை. என்னுடைய டீமைச் சேர்ந்த மதுவும் இந்த ஆல்பம் பாடலில் பணியாற்றியிருக்கிறார். முதல் நாளிலிருந்தே இந்தப் பாடலை எப்படி வித்தியாசமாக புரமோட் செய்யலாம் என்று யோசித்து, ஒரு நல்ல ஐடியாவைச் செயல்படுத்தியிருந்தார்கள். பொதுவாக ஆல்பம் பாடல்களுக்கு ஃபர்ஸ்ட் லுக், போஸ்டர் என வெளியிடுவார்கள். ஆனால் இதில் பாலாஜி, மதுமிதா இருவரின் புகைப்படத்தை வைத்து, இவர்கள் திருமணம் செய்துகொள்ளப் போகிறார்களா என்ற அளவுக்கு ரசிகர்களை கன்ஃபியூஸ் செய்தது சுவாரஸ்யமாக இருந்தது. நான் இந்தப் பாடலை இப்போதுதான் முழுமையாகப் பார்த்தேன். முதல் ஷாட்டிலேயே மதுமிதா கஃபேவில் அமர்ந்திருக்கும் காட்சி மிகவும் அழகாக இருந்தது. ஒட்டுமொத்தமாக பாடலின் விஷுவல்ஸ் மிகவும் ரிச்சாகவும் அழகாகவும் இருந்தது. மேக்கிங், சினிமாட்டோகிராஃபி என அனைத்துமே சிறப்பாக இருந்தது. பாலாஜி, மதுமிதா இருவரின் நடனமும் நன்றாக இருந்தது. பாடலின் ஹூக் ஸ்டெப்பும் லிரிக்ஸும் ரசிகர்களிடையே நல்ல வரவேற்பைப் பெற்று வைரலாகும் என்ற நம்பிக்கை இருக்கிறது.
இந்தப் பாடலுக்கு உயிர் கொடுத்திருப்பது இசையமைப்பாளர் AJ-யின் இசை. அவருடைய பணியே அவருடைய திறமையைச் சொல்லும் அளவுக்கு சிறப்பாக இருக்கிறது. அவருடன் எதிர்காலத்தில் நாமும் ஒரு பாடல் செய்ய வேண்டும் என்ற ஆசை இருக்கிறது. அதேபோல் சசி மாஸ்டரின் நடன அமைப்பும் மிகவும் சிறப்பாக இருந்தது. குறிப்பாக நவீன நடனத்துடன் இறுதியில் பாரம்பரிய நடன அசைவுகளையும் அழகாக இணைத்திருக்கிறார். சசி மாஸ்டருக்கும் ஒட்டுமொத்த குழுவினருக்கும் என்னுடைய வாழ்த்துகள். இந்தப் பாடல் முழுவதும் மிகவும் அழகாகவும் கலர்ஃபுல்லாகவும் வந்திருக்கிறது. பாலாஜி, மதுமிதா இருவரும் ஃப்ரேமில் சிறப்பாகத் தெரிகிறார்கள். இந்த முயற்சி பெரிய அளவில் ரசிகர்களைச் சென்றடைய வேண்டும். அனைவரும் இந்தப் பாடலை ஆதரித்து வெற்றி பெறச் செய்ய வேண்டும். நன்றி.”
கம்ருதீன் பேசியதாவது..,
“அனைவருக்கும் வணக்கம். முதலில் ‘பூக்கி பொன்னம்மா’ என்ற டைட்டிலே மிகவும் கேட்சியாக இருக்கிறது. ‘பூக்கி’ என்பது அழகாக இருக்கும் ஒரு பெண்ணைக் குறிக்கும் வார்த்தையாகவும் பார்க்கலாம். அதனால் ஹீரோவை ‘பூக்கி’ என்றும், ஹீரோயினை ‘பொன்னம்மா’ என்றும் வைத்திருப்பது மிகவும் நன்றாக இருக்கிறது. பாடலைப் பார்த்தேன், மிகவும் அழகாக இருந்தது. ஒரு ஆல்பம் பாடலுக்காக இவ்வளவு பெரிய லாஞ்ச் நிகழ்வு நடத்துவது நல்ல விஷயம். என்னுடைய நண்பர் ஜெனிஷ் மூலமாகத்தான் இந்த நிகழ்வுக்கு வந்தேன். இதுபோன்ற ஒரு ஆல்பம் பாடலில் நான் இதுவரை பணியாற்றியதில்லை. இந்தப் பாடலைப் பார்த்ததும் எனக்கே ஒரு இன்ஸ்பிரேஷன் வந்திருக்கிறது. சீக்கிரத்தில் நானும் இதுபோன்ற ஒரு ப்ராஜெக்ட்டில் பணியாற்ற வேண்டும் என்ற எண்ணம் வந்திருக்கிறது. சசி மாஸ்டரைப் பற்றி சொல்ல வேண்டும் என்றால், அவருடைய நடனத் திறமையையும், உடலை மிகவும் சிறப்பாக பராமரித்து வருவதையும் பார்த்து நான் எப்போதும் ஆச்சரியப்படுவேன். தமிழ் சினிமாவுக்குக் கிடைத்த நல்ல திறமையான கலைஞர் அவர். விக்கி என்னுடைய மிகவும் நெருக்கமான நண்பர். அதேபோல் ராகேஷ் பிரதரையும் முன்பே பார்த்திருக்கிறேன். நம்மில் பலரும் ஏற்கனவே வெவ்வேறு இடங்களில் இணைந்து பணியாற்றியிருக்கிறோம். எதிர்காலத்திலும் இதுபோல இன்னும் நிறைய நல்ல பணிகளில் இணைந்து பணியாற்ற வேண்டும் என்று ஆசைப்படுகிறேன்.
இந்தப் பாடலை உருவாக்கிய ஒட்டுமொத்த குழுவினருக்கும் என்னுடைய வாழ்த்துகள். மற்றவர்களின் நல்ல முயற்சிகளைப் பாராட்டி, அவர்களுக்கு ஆதரவாக நாம் நிற்கும்போது, நம்முடைய எதிர்காலப் ப்ராஜெக்ட்களும் நல்ல முறையில் அமையும். இந்த நிகழ்வுக்கு என்னை அழைத்ததற்கு நன்றி. அனைவருக்கும் என்னுடைய வாழ்த்துகள்.”
நடிகை நான்சி பேசியதாவது..,
“அனைவருக்கும் வணக்கம். முதலில் சசி மாஸ்டருக்காகத்தான் இந்த நிகழ்ச்சிக்கு வந்தேன். வரும்போது இங்கே யாரையும் எனக்குத் தெரியாது, மாஸ்டரைப் பார்த்து வாழ்த்திவிட்டு வந்துவிடலாம் என்று நினைத்தேன். ஆனால் இங்கு வந்து பார்த்த பிறகுதான் நம்முடைய சொந்தங்கள், நண்பர்கள் பலரும் இங்கே இருப்பது தெரிந்தது. மாஸ்டர், உங்களை எனக்கு கிட்டத்தட்ட இரண்டு வருடங்களாகத்தான் தெரியும். ஆனால் நீங்கள் கோரியோகிராஃபி செய்து பார்த்திருக்கிறேன். எனக்கு டான்ஸ் வருமா என்ற நம்பிக்கை இல்லாத நேரத்திலும், ‘உன்னால் ஆட முடியும்’ என்று நம்பிக்கை கொடுத்து நிகழ்ச்சிகளிலும், ஷோக்களிலும் என்னை ஆட வைத்திருக்கிறீர்கள். அதற்காக உங்களுக்கு பெரிய நன்றி. ‘பூக்கி பொன்னம்மா’ என்ற பெயரைப் பார்த்தவுடனே மிகவும் கேட்சியாகவும், இன்றைய டிரெண்டுக்கு ஏற்றதாகவும் இருந்தது. பாடல் எப்படி இருக்கும் என்ற ஆர்வத்துடன்தான் வந்தேன். ஆனால் இப்போதுதான் முழுமையாக பாடலைப் பார்த்தேன். மிகவும் சூப்பராக இருந்தது. ஒட்டுமொத்த குழுவினரும் நல்ல ஒருங்கிணைப்புடன் அழகாகப் பணியாற்றியிருக்கிறார்கள். சசி மாஸ்டர், உங்கள் கோரியோகிராஃபியைத் தாண்டி இயக்குநராகவும் இந்தப் பாடலில் சிறப்பாகச் செய்திருக்கிறீர்கள். அதைப் பார்க்கும்போது மிகவும் சந்தோஷமாக இருக்கிறது. பாலாஜி மற்றும் மதுமிதா இருவரும் ஃப்ரேமில் மிகவும் அழகாக இருந்தார்கள். முழுக் குழுவினருக்கும் என்னுடைய மனமார்ந்த வாழ்த்துகள். மாஸ்டர், என்னை இந்த நிகழ்வுக்கு அழைத்ததற்கு மிக்க நன்றி. இந்தப் பாடல் மிகப்பெரிய வெற்றி பெற என்னுடைய வாழ்த்துகள். நன்றி.”
நடிகை அக்ஷயா ராய் பேசியதாவது..,
“எல்லாருக்கும் வணக்கம். மதுமிதாவைப் பார்த்தேன், மிக மிக நன்றாக இருந்தது. முழு குழுவினருக்கும் என்னுடைய வாழ்த்துகள். அனைவரும் இந்தப் பாடலைப் பார்த்து ஆதரவு கொடுங்கள். நன்றி.”
நடிகர் நிரூப் பேசியதாவது..,
“முதலில் பாலாஜி பிரதரை இப்போதுதான் முதல் முறையாக சந்திக்கிறேன். ஜெனிஷ் என்னையும் இந்த நிகழ்வுக்கு அழைத்திருந்தார். சும்மா வந்து பார்த்துவிட்டுப் போகலாம் என்றுதான் நினைத்தேன். ஆனால் சந்தித்துப் பேசியபோது மிகவும் இனிமையான மனிதராக இருந்தார். முழு வீடியோவையும் பார்த்தேன். உண்மையிலேயே மிகவும் அழகாகவும் சிறப்பாகவும் வந்திருக்கிறது. பாலாஜி பிரதருக்கு என்னுடைய வாழ்த்துகள். தமிழ் திரையுலகிற்கு உங்களை வரவேற்கிறேன். இந்தப் ப்ராஜெக்ட்டில் பணியாற்றிய அனைவருக்கும் என்னுடைய வாழ்த்துகள். இங்கே இருக்கும் நிறைய பேரை எனக்குத் தெரியும், சிலரைத் தெரியாது. ஆனால் ஒவ்வொருவருடைய பங்களிப்பும் சிறப்பாக இருந்திருக்கிறது. நானும் இதேபோல் ஒரு ஆல்பம் பாடல் செய்திருக்கிறேன். அதற்கும் G.V. பிரகாஷ் சார்தான் பாடியிருந்தார். ஆனால் அது யூடியூபில் சுமார் பத்தாயிரம் பார்வைகள்தான் பெற்றது. இந்தப் பாடலுக்கு இவ்வளவு பெரிய நிகழ்வை நடத்தி இருப்பது உண்மையிலேயே பெரிய விஷயம். எங்களால் அப்போது இவ்வளவு பெரிய நிகழ்வை நடத்த முடியவில்லை. எனவே, அனைவரும் இந்தப் பாடலைப் பார்த்து, ஆதரித்து, பெரிய அளவில் வைரலாக்க வேண்டும். முழுக் குழுவினருக்கும் என்னுடைய வாழ்த்துகள். நன்றி.”
ஜானி மாஸ்டர் பேசியதாவது..,
“எல்லாருக்கும் வணக்கம். முதலில் இந்தப் பாடலை உருவாக்கிய ஒட்டுமொத்த குழுவினருக்கும் நன்றி. ஒரு பாடல் வெற்றியடைய முழுமையான டீம் வொர்க் மிகவும் முக்கியம். AJ-யின் இசை, DOP-யின் விஷுவல்ஸ், எடிட்டிங், பாடலின் வரிகள் என அனைத்துமே மிகவும் சிறப்பாக இருந்தது. குறிப்பாக பாடலின் லிரிக்ஸ் மிகவும் கேட்சியாக இருப்பதால் அனைவருக்கும் எளிதில் மனதில் பதிந்துவிடும். லண்டனுக்குச் சென்று ஒரு ஆல்பம் பாடலை படமாக்குவது சாதாரண விஷயம் கிடையாது. அது மிகப்பெரிய சவாலும், கடின உழைப்பும் தேவைப்படும் விஷயம். அதேபோல் ஒரு ஆல்பம் பாடலுக்காக இவ்வளவு பிரம்மாண்டமான வெளியீட்டு விழாவை நடத்துவது மிகவும் சிறப்பான முயற்சி. பாலாஜி பிரதர் இதுதான் தன்னுடைய முதல் முயற்சி என்று சொன்னார். ஆனால் முதல் முயற்சி என்றே தெரியாத அளவுக்கு சிறப்பாக செய்திருக்கிறார். குறிப்பாக நடனத்தில் கிரேஸ், எக்ஸ்பிரஷன், ஸ்மைல், மூவ்மென்ட் என ஒவ்வொரு விஷயத்திலும் அவர் காட்டிய ஈடுபாடு மிகவும் பாராட்டுக்குரியது. மதுமிதாவின் முதல் காட்சியே மிகவும் அழகாக இருந்தது. இருவருக்கும் சினிமாவில் நல்ல எதிர்காலம் இருக்கிறது. பெரிய வெற்றிகள் கிடைக்க என்னுடைய வாழ்த்துகள். சத்யா பிரதருடன் நிறைய நிகழ்ச்சிகளில் இணைந்து பணியாற்றியிருக்கிறேன். அவர் எந்தப் பணியாக இருந்தாலும் தன்னுடைய சிறந்த பங்களிப்பை கொடுப்பார். சிறிய ப்ராஜெக்ட்டாக இருந்தாலும், பெரிய ப்ராஜெக்ட்டாக இருந்தாலும் முழு அர்ப்பணிப்புடன் பணியாற்றுவார். அவருடைய கடின உழைப்பு, அர்ப்பணிப்பு மற்றும் நல்ல மனம் அவரை இன்னும் உயரத்துக்கு அழைத்துச் செல்லும். இன்று அவரை இவ்வளவு பெரிய மேடையில் பார்ப்பது எனக்கு மிகவும் மகிழ்ச்சியாக இருக்கிறது. இன்னும் பல உயரங்களை அவர் அடைய வேண்டும். என்னை இந்த நிகழ்வுக்கு அழைத்ததற்கு மிக்க நன்றி.
கோரியோகிராஃபர் ஸ்ரீதர் பேசியதாவது..,
“எல்லாருக்கும் வணக்கம். மேடையில் இருக்கும் அனைத்து ஆர்டிஸ்ட்களுக்கும் பெரிய வணக்கம். இவ்வளவு கலகலப்பாக இந்த நிகழ்ச்சி இருந்ததால், பேச வந்தபோது நிறைய விஷயங்களையே மறந்துவிட்டேன். சிரித்துக்கொண்டே இருந்தது சந்தோஷமாக இருந்தது. ‘பூக்கி பொன்னம்மா’ என்ற ஆல்பம் பாடல் ஏற்கனவே பாடல் வெளியான தருணத்திலேயே ஹிட்டாகிவிட்டது. G.V. பிரகாஷ் மற்றும் சினேகாவின் குரல், AJ-யின் இசை என அனைத்துமே சிறப்பாக இருக்கிறது. குறிப்பாக பாடலின் ஹூக் ஸ்டெப் மிகப்பெரிய ஹிட்டாகும். விஷுவல்ஸ் பக்கம் மாதேஷ் மிகவும் அழகாகப் பணியாற்றியிருக்கிறார். லண்டன் லொகேஷனை மிகவும் அழகாகக் காட்டியிருக்கிறார். அதை எடிட்டர் பிரவீன் இன்னும் சிறப்பாக எடிட் செய்து, தேவையான இடங்களில் ஃப்ரீஸ், கட் என பாடலுக்கு தேவையான லைஃப்பைக் கொடுத்திருக்கிறார். இவை அனைத்தையும் தாண்டி நாங்கள் இங்கு வந்திர