‘சிக்மா’ திரைப்பட விமர்சனம்

‘சிக்மா’ திரைப்பட விமர்சனம் ரேட்டிங்: 3/5

Cast & Crew:

Sundeep Kishan – Lead
Faria Abdullah – Lead
Raju Sundaram
Sampath Raj
Shiv Panditt
Anbu Thasan
Yog Japee
Sheela Rajkumar
Magalakshmi Sudarsanan
Kamalesh Jegan
Kiran Konda
Naga Sai

Crew

Director: Jason Sanjay
Producer: A. Subaskaran
Production: Lyca Productions
Music: Thaman S
Cinematography: Krishnan Vasant
Editor: Praveen K.L.
Creative Producer: Sanjeev
VFX: Hariharasuthan
Additional Screenplay: Kaleel Raja, Sanjeev S, Ajaiy Ashok
Art Director: Benjamin M
Stunts: Venkat & Silva
Lyricists: Vivek & Super Subbu
Production Controller: Jai Ganesh B
Costume Designer: Perumal Selvam
Makeup: P.S. Kuppusamy
DI: Prasad
Colorist: Ranga
Sound Design: Krishnan Subramanian & Varun Venkataraman
PRO: Suresh Chandra & Vamsi Shekar
Executive Producer: Subramanian Narayanan
Head of Lyca Productions: G.K.M. Tamil Kumaran

‘சிக்மா’  ஜேசன் சஞ்சய் இயக்குநராக அறிமுகமாகியுள்ள ஹெய்ஸ்ட் ஆக்ஷன் காமெடி திரைப்படம். சந்தீப் கிஷன் தனது தாயின் நினைவாக நூலகம் நடத்தி வருகிறார். தந்தை வாங்கிய கடன் காரணமாக கடும் பண நெருக்கடியில் இருக்கும் அவர் எப்படியாவது கடனை அடைத்து நூலகத்தை காப்பாற்ற முயற்சி செய்கிறார். அந்த முயற்சியில் சூதாட்டத்தில் சிக்கி பணத்தை இழக்கிறார். அப்போது அவருக்கு கிடைக்கும் ஒரு பென்டிரைவ் மற்றும் அதில் இருக்கும் பல கோடி ரூபாய் மதிப்புள்ள லாக்கர் சாவி அவரது வாழ்க்கையை தலைகீழாக மாற்றுகிறது. அந்த சாவியை கைப்பற்ற வில்லன் கும்பல் அவரை துரத்துகிறது. இதிலிருந்து சந்தீப் கிஷன் எப்படி தப்பிக்கிறார் என்பதே படத்தின் கதை.

சந்தீப் கிஷன் படம் முழுவதையும் தனது நடிப்பால் தாங்கி செல்கிறார். கடன் பிரச்சனையில் தவிக்கும் சாதாரண மனிதராகவும் ஆக்ஷன் காட்சிகளிலும் நன்றாக நடித்திருக்கிறார். ஃபரியா அப்துல்லாவுக்கு கதையில் பெரிய முக்கியத்துவம் இல்லை என்றாலும் கொடுத்த கதாபாத்திரத்தை சிறப்பாக செய்திருக்கிறார். சம்பத் ராஜ், சிவ் பண்டிட், யோகி ஜேபி உள்ளிட்ட வில்லன் கதாபாத்திரங்களும் தங்களது பங்களிப்பை சிறப்பாக வழங்கியுள்ளனர். ராஜு சுந்தரம் மற்றும் அன்பு தாசன் வரும் நகைச்சுவை காட்சிகள் சில இடங்களில் படத்திற்கு கலகலப்பை கொடுக்கின்றன.

கிருஷ்ணன் வசந்தின் ஒளிப்பதிவு படத்திற்கு பெரிய பலமாக இருக்கிறது. குறிப்பாக ஆக்ஷன் மற்றும் ஹெய்ஸ்ட் காட்சிகள் பிரம்மாண்டமாக காட்சிப்படுத்தப்பட்டுள்ளன. தமனின் பாடல்கள் எதிர்பார்த்த அளவுக்கு பெரிய தாக்கத்தை ஏற்படுத்தவில்லை என்றாலும் பின்னணி இசை பல காட்சிகளின் வேகத்தை கூட்டுகிறது. கே எல் பிரவீனின் படத்தொகுப்பு படத்தை வேகமாக நகர்த்த உதவுகிறது.

ஜேசன் சஞ்சய் ஏற்கனவே பார்த்து பழகிய ஹெய்ஸ்ட் கதையை எடுத்திருந்தாலும் அதை கமர்ஷியல் அம்சங்களுடன் சுவாரஸ்யமாக சொல்ல முயற்சி செய்திருக்கிறார். முதல் பாதி கதாபாத்திரங்களை அறிமுகப்படுத்துவதில் சற்று மெதுவாக சென்றாலும் அதன் பிறகு படம் வேகமெடுக்கிறது. ஆக்ஷன் சேசிங் மற்றும் சில நகைச்சுவை காட்சிகள் ரசிக்க வைக்கின்றன. அதே நேரத்தில் கதையில் பெரிய புதுமை இல்லை. பல காட்சிகளை முன்கூட்டியே யூகிக்க முடிவதும் சில லாஜிக் மீறல்களும் திரைக்கதைக்கு தடையாக இருக்கின்றன. இரண்டாம் பாதியும் சற்று நீளமாக இருப்பது போன்ற உணர்வை தருகிறது.

மொத்தத்தில், ‘சிக்மா’ புதிய கதையை சொல்லும் திரைப்படம் இல்லை என்றாலும் விறுவிறுப்பான ஆக்ஷன் காட்சிகள் நல்ல மேக்கிங் சந்தீப் கிஷனின் நடிப்பு மற்றும் சில நகைச்சுவை காட்சிகளால் ஓரளவுக்கு ரசிக்க வைக்கும் ஒரு கமர்ஷியல் ஹெய்ஸ்ட் திரைப்படமாக அமைந்துள்ளது.