‘ஜன நாயகன்’ திரைப்பட விமர்சனம்

‘ஜன நாயகன்’ திரைப்பட ரேட்டிங்: 3.5/5

CAST
Thalapathy Vijay
Pooja Hegde
Bobby Deol
Mamitha Baiju
Gautham Vasudev
Menon
Prakash Raj
Priyamani
Narain
Sunil
Revathy
GM Sundar
Sharath Ravi
Arshath

TECHNICAL CREW
Produced by: Venkat K Narayana
Co Produced By: Jagadish Palanisamy, Lohith.N.K
Directed by: H Vinoth
Director Of Photography: Sathyan Sooryan
Editor: Pradeep E Ragav
Production Designer: V Selvakumar
Action: Anl Arasu
Choreography: Sekhar VJ, Sudhan
Costume Designer: Pallavi Singh
Sound design: Sync Cinema
Sound Mix: Kannan Ganpat
Publicity Designer: Gopi Prasannaa
PRO: Riaz K Ahmed, Paras Riyaz
VFX Supervisor: Monesh H
DI: Knack Studios
Colourist: Prasath Somasekar
Stills: D Maneksha
Costumer: Muthul Hafeez
Make-up: P Nagarajan
Chief Production Executive: R Udayakumar
Production Controller: Veera Sankar
Executive Producer: Ramkumar Balasubramanian
Digital Promotions: The Tabs
Music Label: T-Series

‘ஜன நாயகன்’ விஜயின் கடைசி திரைப்படம் என்பதாலேயே இந்த படத்திற்கு ஆரம்பத்திலிருந்தே மிகப்பெரிய எதிர்பார்ப்பு இருந்தது. அதிலும் அவர் அரசியலுக்கு சென்ற பிறகு வெளியாகியிருப்பதால், இது ஒரு சாதாரண கமர்ஷியல் படம் மட்டும் இல்லை, ரசிகர்களுக்கு ஒரு விடைபெறும் படமாகவும் பார்க்கப்பட்டது.

கதை பார்த்தால், சிறையில் இருக்கும் வெற்றி கொண்டான் என்ற கதாபாத்திரத்தில் விஜய் வருகிறார். அவருக்கு உதவிய ஜெயிலரின் மகளை தனது மகளாக வளர்த்து, ராணுவ அதிகாரியாக மாற்ற வேண்டும் என்பதே அவரது லட்சியம். அதே நேரத்தில் பழைய எதிரி மீண்டும் வருவதால், தனது வளர்ப்பு மகளையும் மக்களையும் காப்பாற்றும் போராட்டத்தில் இறங்குகிறார். இந்த கதைக்கு நடுவே பெண்கள் பாதுகாப்பு, பெண்கள் முன்னேற்றம், ஊழல், அரசியல், ஜனநாயகம், தீவிரவாதம், நவீன போர் தொழில்நுட்பம் என பல விஷயங்களை சேர்த்திருக்கிறார்கள்.

விஜய் வழக்கம்போல் தனது ஸ்கிரீன் பிரசன்ஸால் படத்தை தாங்கி நிற்கிறார். அறிமுக காட்சி, ஆக்சன், பஞ்ச் வசனங்கள், நடனம், ரசிகர்களுக்கான மாஸ் தருணங்கள் என எதிர்பார்த்த அனைத்தையும் கொடுக்கிறார். குறிப்பாக சில எலிவேஷன் காட்சிகளும் தளபதி கச்சேரி போன்ற பாடல்களும் திரையரங்கில் நல்ல வரவேற்பை பெறும். அதே நேரத்தில் பழைய படங்களில் இருந்த இயல்பான நகைச்சுவை மற்றும் ரொமான்ஸ் இந்த படத்தில் பெரிதாக இல்லை.

மமிதா பைஜூ படத்தின் மிகப்பெரிய பலங்களில் ஒருவர். விஜயுடன் வரும் உணர்ச்சிப்பூர்வமான காட்சிகளிலும், கிளைமாக்ஸ் ஆக்சனிலும் சிறப்பாக நடித்திருக்கிறார். பூஜா ஹெக்டேவுக்கு பெரிய அளவில் வேலை இல்லை. சில காட்சிகளிலும் ஒரு சில பாடல்களிலும் மட்டுமே வருகிறார். பாபி தியோல் வில்லனாக நல்ல தோற்றம் கொடுத்தாலும், அவரது கதாபாத்திரம் சரியாக எழுதப்படாததால் முழு தாக்கத்தை ஏற்படுத்தவில்லை. கெளதம் வாசுதேவ் மேனன், பிரகாஷ் ராஜ், பிரியாமணி, நரேன், ரேவதி உள்ளிட்ட மற்ற நடிகர்கள் தங்களுக்கான வேலையை சரியாக செய்திருக்கிறார்கள்.

அனிருத்தின் பின்னணி இசை படத்தின் முக்கிய பலம். பல இடங்களில் இசையே காட்சிகளுக்கு உயிர் கொடுக்கிறது. பாடல்களும் ரசிகர்களை கவரும் வகையில் உள்ளன. சத்யன் சூரியனின் ஒளிப்பதிவு பிரமாண்டமாக இருக்கிறது. ஆனால் அதிகமான கிராபிக்ஸ் மற்றும் சிஜிஐ காட்சிகள் பல இடங்களில் வீடியோ கேம் பார்ப்பது போன்ற உணர்வை தருகின்றன.

முதல் பாதி விறுவிறுப்பாக நகர்கிறது. ஆனால் இரண்டாம் பாதியில் படம் பல திசைகளில் பயணிக்கிறது. அரசியல், குடும்ப உணர்வு, பெண்கள் முன்னேற்றம், சர்வதேச சதி, ட்ரோன் தாக்குதல், ரோபோ போர், தேர்தல் பிரச்சாரம் என்று ஒரே நேரத்தில் நிறைய விஷயங்களை சொல்ல முயற்சிப்பதால் கதையின் மையம் பல இடங்களில் தடுமாறுகிறது. நீளமும் அதிகமாக இருப்பதால் சில காட்சிகள் தேவையில்லாமல் இழுக்கப்படுவது போல தோன்றுகிறது.

இயக்குநர் எச் வினோத் பகவந்த் கேசரி படத்தின் உணர்ச்சியை எடுத்து அதில் அரசியல் கருத்துக்களையும் விஜயின் இமேஜையும் சேர்த்து புதிய படமாக உருவாக்க முயற்சித்திருக்கிறார். ஆனால் பல இடங்களில் கதை சொல்லுவதை விட விஜயின் அரசியல் பிம்பத்தை உயர்த்துவதற்கே அதிக முக்கியத்துவம் கொடுக்கப்பட்டிருப்பது தெரிகிறது. அதனால் சில காட்சிகள் திரைப்படமாக இல்லாமல் தேர்தல் பிரச்சார வீடியோ போல உணர வைக்கின்றன.

மொத்தத்தில், ‘ஜன நாயகன்’ விஜயின் நடிப்பு, மாஸ் காட்சிகள், அனிருத்தின் இசை, சில உணர்ச்சிப்பூர்வமான தருணங்கள் ஆகியவை படத்தை தாங்குகின்றன. ஆனால் நீளமான திரைக்கதை, பலவீனமான வில்லன், அதிகமான கிராபிக்ஸ், தேவைக்கு அதிகமான அரசியல் பிரச்சாரம் போன்றவை படத்தின் தாக்கத்தை குறைக்கின்றன. விஜயின் ரசிகர்கள் கண்டிப்பாக ரசிக்கக்கூடிய படம்.