‘ஹாட் ஸ்பாட்-2 மச்’ திரைப்பட ரேட்டிங்: 3.5/5
Cast & Crew
Cast:
Priya Bhavani Shankar (Shilpa)
Brigida (Madhumitha)
Ashwin (Yugan)
Rakshan (James)
Adithiya Baskar (Sathya)
Vignesh Karthick (Mohammed Sheriff)
KJ Balamani Marbhan
Bhavani Sre (Nithya)
Sanjana Tiwari (Sharnitha)
Thambi Ramaiah (Baskar)
Crew:
Producer: KJ Balamani Marbhan, Aneel K Reddy
Director: Vignesh Karthick
DOP: Jagadeesh Ravi, Joseph Paul
Music: Sathish Raghunathan
Editor: U Muthayan
Art Director: C Shanmugam
PRO: Velu
முதல் பாகம் மாதிரியே இந்த பாகமும் விறுவிறுப்பாக கதை இருக்கிறது, “ஒரு பெண் இயக்குனர் தயாரிப்பாளரிடம் கதை சொல்றார்” என்ற ஃபார்மாட்டில்தான் படம் போகுது. ஆனா இந்த தடவை கதை பேசப்படுற விஷயங்கள் இன்னும் கொஞ்சம் தீவிரம். சமூகத்தில் பேசத் தயங்குற விஷயங்கள், சினிமா ரசிகர்களின் வெறி, பெண்ணின் சுதந்திரம், நாகரிகம் – மரியாதை, தலைமுறை இடைவெளி, காதல், டைம் டிராவல் வரை எல்லாத்தையும் காமெடி + சீரியஸ்னு கலந்து சொல்கிறது இந்த ‘ஹாட் ஸ்பாட்-2 மச்’.
விஜய்–அஜித் ரசிகர்களின் வெறியை மையமாக்கிய கதையில, அந்த வெறி எந்த அளவுக்கு போகுது, அது வாழ்க்கையை எப்படிச் சீரழிக்குது என்பதை எம்.எஸ். பாஸ்கர் மிரட்டலான நடிப்புல அழுத்தமா காட்டுறாங்க. ஆதித்யா பாஸ்கர், ரக்ஷன் மாதிரியான இளைஞர்கள் ‘பட்டும் திருந்தாத ரசிகர்கள்’ மாதிரி நடித்திருப்பது கவனிக்க வைக்குது.
அடுத்து ‘என் உடை, என் சுதந்திரம்’ன்னு பேசுற பெமினிஸ சிந்தனை, கல்யாணத்துக்கு முன்னாடி ஆண்–பெண் எதிர்பார்ப்புகள் போன்ற விஷயங்களை சஞ்சனா திவாரி – தம்பி ராமையா அத்தியாயம் வழியா தெளிவா சொல்றாங்க. அந்த அப்பா–மகள் உறவுல இருக்குற சங்கடம், சமூக அழுத்தம் எல்லாம் ஓரளவுக்கு வேலை செய்கிறது. குறிப்பாக தம்பி ராமையா வீட்டில் பெண் பார்க்கும் காட்சிகளும் அதனைத் தொடர்ந்து பெண்ணின் பிறந்தநாளுக்கு தம்பி ராமையா செய்யும் ரிவென்சும் செமையாக இருக்கிறது. 80’s 90’s எங்களுக்கும் கொஞ்சம் டைம் கொடுங்க இன்றைய GenZ இளைஞர்களின் மனநிலையை புரிந்து கொள்கிறோம் என்று மகளிடம் சொல்லும் விதம் அருமை.
2050-ல இருக்குற பெண், 2025-ல இருக்குற இளைஞன் – போன்ல பேசுற காதல், டைம் டிராவல், எதிர்பாராத திருப்பம் எல்லாம் சுவாரஸ்யமா இருக்கு. அஸ்வின் குமார், பவானி ஸ்ரீ இந்த பகுதியில் கொஞ்சம் ஃப்ரெஷ் ஃபீல் தர்றாங்க. லாஜிக் எல்லாம் எல்லா இடத்திலும் ஒட்டாவிட்டாலும், ஐடியா லெவல்ல இது வித்தியாசம்.
பிரியா பவானி சங்கர் படத்தோட முதுகெலும்பு மாதிரி. ஒரு சேரில உட்கார்ந்தபடியே, கண்களாலேயே கதை சொல்லி ரசிக்க வைக்குறார். அவருக்கு எதிர்ல தயாரிப்பாளராக வரும் பாலமணிமார்பனின் ரியாக்ஷன்கள் காமெடி பிளஸ், அதிலும் துரியா பவானி சங்கர் மாமா மாமா என்று சொல்லும் போது தயாரிப்பாளர் ரியாக்ஷன் ரசிக்கும்படியாக உள்ளது. பிரிகிடா சகா கொஞ்சம் விவகாரமான வேடத்தில் வந்து கவனம் ஈர்க்குறார்.
சதீஷ் ரகுநாதனின் பின்னணி இசை ஒவ்வொரு கதையோட கிளைமாக்ஸிலும் நல்ல புஷ் தருது. ஒளிப்பதிவும், எடிட்டிங்கும் படம் இரண்டு மணி நேரத்துக்குள்ளேயே முடிஞ்சு போக உதவியிருக்கு.
முதல் பாகத்தோட ஒப்பிட்டா, இந்த பாகம் அந்த அளவுக்கு தாக்கம் தரலன்னு தோணலாம். ஆனா இதை தனியா ஒரு படமா பார்த்தா, சமூக கருத்துகளை ஓரளவு அழுத்தமா சொல்லி, காமெடியையும் கலந்து கொடுத்திருக்காங்கன்னு சொல்லலாம்.
மொத்தத்தில், ‘ஹாட் ஸ்பாட் 2 மச்’ முதல் பாகத்தோட அடிப்படையை வைத்துக்கிட்டு, இன்னும் கொஞ்சம் தைரியமா பேசுற படம்.
