‘ஒன்ஸ்மோர்’ திரைப்பட ரேட்டிங்: 2.5/5
CAST :
Arjun Das as Raghuvaran
Aditi Shankar as Anjali
Sona Olickal as Indra Vasudevan
Dravid Selvam as Ibrahim
Anusha Prabhu as Sara
Jagabar as Kiki
Monish Elamaran as Srinath
Varnika Varadh as Varnika
Phillipson Thomas as Phillipy
Arunkumar Mani as Muthu
Sowndarya Manoharan as Sowndarya
Kannan D as Divakar
Richie Richardson as Kevin
Raksha Cherin as Anu
Srikanth as Moj
Niyas Muhammed as Niyas
Chitra Lakshmanan as Paadaga Lingam
Devadarshini Chetan as Therapist Lavanya
Jenson Dhivakar as Father Edwin
Dhayalan as Raghu’s Father
Maheshwar as Anjali’s Father
Rama Rajendra as Raghu’s Mother
Lakshmi Saravanan as Anjali’s Mother
Sudarsan Gandhi as Gurubaran
Aareesh as Kiki’s Boyfriend
Goodnight R Nagarajan as Kumaran
Rithik Krishna as Kerala Volunteer
Pooja Surendar as Indra’s Mother
Nirmal Kumar as Indra’s Father
Abira Praveen as Young Indra
Harikumar as Mechanic
Somasurya as Assistant Mechanic
CREW :
Written & Directed by Vignesh Srikanth
Produced by Yuvaraj Ganesan
Banner: Million Dollar Studios
Music : Hesham Abdul Wahab
DOP : Aravind Viswanathan
Editor: Nash
Art : Raj Kamal
Lyrics : Vignesh Srikanth
Sound Design : Renjith Venugopal, M.Saravana Kumar
Costume Designer : Navadevi Rajkumar
Choreographer : Apsar
Production Controller : A Balamurugan
Production Executive : R Nagarajan
Production Manager: D Prasanth, D Parthiban
Publicity Designs : Gautham J
Stills : Maniyan
Executive Producer : Harish Durairaj
Creative Producer : Vijay M P
PRO : Yuvraaj
‘ஒன்ஸ் மோர்’ அர்ஜுன் தாஸ், அதிதி ஷங்கர், சோனா ஒலிக்கல் நடிப்பில் விக்னேஷ் ஸ்ரீகாந்த் இயக்கத்தில் வெளியாகி இருக்கும் காதல் திரைப்படம்.
காதலில் ஏற்பட்ட தோல்வியால் கடந்த எட்டு ஆண்டுகளாக சோகமாகவும் விரக்தியாகவும் வாழ்ந்து வருகிறார் அர்ஜுன் தாஸ். அவருடைய வாழ்க்கையில் அதிதி ஷங்கர் வருகிறார். முதலில் அவருடைய காதலை ஏற்க மறுக்கும் அர்ஜுன் தாஸ் பின்னர் அதிதியின் அன்பையும் விடாமுயற்சியையும் புரிந்து கொண்டு காதலிக்க ஆரம்பிக்கிறார். இருவருடைய காதலும் திருமணம் வரை செல்கிறது. அந்த நேரத்தில் அர்ஜுன் தாஸின் முன்னாள் காதலி சோனா ஒலிக்கல் மீண்டும் அவரை தொடர்பு கொள்கிறார். எட்டு வருடங்களுக்கு பிறகு ஏன் திரும்பி வந்தார் அவரை விட்டு பிரிந்ததற்கான காரணம் என்ன மீண்டும் அர்ஜுன் தாஸை ஏற்றுக்கொள்ள சொல்லும் அவர் என்ன முடிவை எடுக்கிறார் என்பதுதான் படத்தின் மீதிக்கதை
அர்ஜுன் தாஸ் இந்த படத்தில் காதல் தோல்வியால் பாதிக்கப்பட்ட ரகுவரன் கதாபாத்திரத்தில் இயல்பாக நடித்திருக்கிறார். வழக்கமாக பார்க்கும் அவருடைய தீவிரமான நடிப்பிலிருந்து சற்று விலகி அமைதியான உடல்மொழி மற்றும் முகபாவனைகள் மூலம் கதாபாத்திரத்தின் வலியை வெளிப்படுத்துகிறார். குறிப்பாக உணர்ச்சிகரமான காட்சிகளில் அவருடைய நடிப்பு நன்றாக இருக்கிறது. அதிதி ஷங்கர் படத்திற்கு தேவையான துடிப்பையும் கலகலப்பையும் கொண்டு வருகிறார். அஞ்சலி கதாபாத்திரத்தை மிகவும் இயல்பாக கையாண்டிருக்கிறார். அர்ஜுன் தாஸுடன் வரும் காட்சிகளில் இருவருக்கும் இடையிலான கெமிஸ்ட்ரி படத்தின் முக்கியமான பலமாக இருக்கிறது
சோனா ஒலிக்கல் தனது கதாபாத்திரத்திற்கு தேவையான நடிப்பை கொடுத்திருக்கிறார். ஆனால் அவருடைய கதாபாத்திரம் ஏன் அர்ஜுன் தாஸை விட்டு பிரிந்தது ஏன் மீண்டும் அவரை தேடி வந்தது என்பதற்கான காரணங்கள் இன்னும் அழுத்தமாக சொல்லப்பட்டிருக்கலாம். அதனால் அந்த கதாபாத்திரத்தின் உணர்வுகள் முழுமையாக பார்வையாளர்களை சென்றடையவில்லை. மற்ற கதாபாத்திரங்களில் நடித்திருப்பவர்களும் தங்களுக்கு கொடுக்கப்பட்ட வேலையை சரியாக செய்திருக்கிறார்கள்
படத்தின் முதல் பாதி ரசிக்கும்படியாக இருக்கிறது. குறிப்பாக அதிதி ஷங்கர் அர்ஜுன் தாஸ் இடையிலான காதல் காட்சிகள் படம் மெதுவாக நகர்ந்தாலும் ஒரு நல்ல ஈர்ப்பை கொடுக்கின்றன. அதிதியின் துறுதுறுப்பான குணமும் அர்ஜுன் தாஸின் அமைதியான குணமும் ஒன்றுக்கொன்று எதிர்மாறாக இருப்பதால் அந்த காட்சிகள் ரசிக்க வைக்கின்றன
ஆனால் இரண்டாம் பாதியில் படம் சற்று தடுமாறுகிறது. அர்ஜுன் தாஸின் கடந்த கால காதல் ஏன் அவரை இவ்வளவு பெரிய அளவில் பாதித்தது என்பதற்கான அழுத்தமான காரணத்தை திரைக்கதை முழுமையாக சொல்லவில்லை. குறிப்பாக முன்னாள் காதலி அவரை விட்டு பிரியும் காட்சிகளுக்கும் பின்னர் அவர் சொல்லும் காரணத்திற்கும் சரியான தொடர்பு இல்லாதது ஒரு குறையாக தெரிகிறது. இதனால் முதல் பாதியில் உருவான எதிர்பார்ப்பு இரண்டாம் பாதியில் குறைந்து விடுகிறது. சில காட்சிகள் ஏற்கனவே பார்த்த காதல் படங்களின் நினைவையும் ஏற்படுத்துகின்றன
இசையமைப்பாளர் ஹேஷம் அப்துல் வஹாப் படத்திற்கு மிகப்பெரிய பலமாக இருக்கிறார். பாடல்கள் அனைத்தும் ரசிக்கும்படியாக இருப்பதோடு மெதுவாக நகரும் திரைக்கதையில் பார்வையாளர்களுக்கு உற்சாகத்தை கொடுக்கின்றன. பின்னணி இசையும் காதல் காட்சிகளுக்கு தேவையான உணர்வை கொடுக்கிறது. இயக்குநரே பாடல் வரிகளை எழுதியிருப்பதும் சிறப்பு. அரவிந்த் விஸ்வநாதனின் ஒளிப்பதிவு அழகாக இருக்கிறது. குறிப்பாக காதல் காட்சிகளிலும் கேரள பின்னணி காட்சிகளிலும் ஒளிப்பதிவு சிறப்பாக அமைந்துள்ளது
மொத்தத்தில், ‘ஒன்ஸ் மோர்’ காதல் கதை மற்றும் காதல் உணர்வுகளை விரும்புபவர்கள் ஒருமுறை பார்க்கக்கூடிய படமாக இருக்கிறது.
