‘பத்தா’ திரைப்பட விமர்சனம்

‘பத்தா’ திரைப்பட ரேட்டிங்: 3/5

Cast

Vijay Sethupathi as Baththa
Lijomol Jose as Kannima
Sai Prithiv Raj as Sabari
Sahasra as Thenmozhi
Arjun Chidambaram as Jothi
Hari Krishnan as Thirunavukkarasu
Santy Balachander – Selvi
Vishnu Govind as Dilli
Balamurugan as Durai

Crew :

Director : Balaji Tharaneetharan
Produced by Murad Khetani, Priya Atlee, Alok Jain & Ajit Andhare
Banner : Star Studio18 , A for Apple Studios,Cine 1 Studios Production
Music : Sai Abhyankkar
Co Producer : Ashwin Murugan
DOP : Selva Kumar S.K
Editor : R. Kalaivanan
Production Designer : T. Muthuraj
Costume Designer : Shruthi Manjari
Art Direction : Kannan.S
Stunt : Stun Siva, U. Pruthvi, Kevin Kumar
Choreographer : Raju Sundaram
Lyrics : Karthik Netha, KK Nagar Gaana Jeeva, Thamizh
Sound Design : Kunal Rajan
Makeup : Vinod Sukumaran
Costumer : Mohammad Subeer
Designer : Gopi Prasanna
Stills : Maneksha.D
Executive Producer : Mohan Ganesan
Creative Producer : Shalini
PRO : Yuvraaj
Audio Label : Think Music

‘பத்தா’ திரைப்படம் 1986 ஆம் ஆண்டு வடசென்னை பின்னணியில் நடக்கும் கதை. விஜய் சேதுபதி பத்தா என்ற பயங்கரமான உள்ளூர் ரவுடி கதாபாத்திரத்தில் நடித்திருக்கிறார். வெளியில் எல்லோரையும் பயமுறுத்தும் கடுமையான மனிதராக இருந்தாலும் தனது மனைவி மற்றும் மகள் மீது பாசம் கொண்டவராக இருக்கிறார்.

பத்தாவை ஒரு கொடூரமான மனிதராக பார்க்கும் எட்டு வயது சிறுவன் சபரி ஒரு சூழ்நிலையில் அவருடன் எதிர்பாராத விதமாக தொடர்பு கொள்கிறான். அந்த சம்பவத்துக்குப் பிறகு பத்தாவின் வாழ்க்கையில் ஏற்படும் மாற்றங்களையும் அவர் தன்னைப் பற்றி உணர்ந்து கொள்ளும் விதத்தையும் இயக்குநர் பாலாஜி தரணிதரன் மிகவும் இயல்பாக சொல்லியிருக்கிறார்.

படத்தின் மிகப்பெரிய பலம் பத்தாவுக்கும் சபரிக்கும் இடையே உருவாகும் உறவுதான். ஆரம்பத்தில் பயத்துடன் இருக்கும் சிறுவன் படிப்படியாக பத்தாவுடன் பழகும் விதமும் அவர்களுக்குள் உருவாகும் பாசமும் நம்மை சிரிக்கவும் நெகிழவும் வைக்கிறது. முதல் பாதியில் சாதாரணமாக தோன்றும் பல சிறிய விஷயங்கள் இரண்டாம் பாதியிலும் கிளைமாக்ஸிலும் அழகாக பயன்படுத்தப்பட்டிருக்கின்றன.

விஜய் சேதுபதி பத்தா கதாபாத்திரத்தில் மிகவும் இயல்பாக நடித்திருக்கிறார். குறிப்பாக சூழ்நிலை மாறும்போது அவரது நடிப்பில் வெளிப்படும் பயம் கோபம் ஏக்கம் மற்றும் குடும்பத்தை நினைத்து வருந்தும் காட்சிகள் சிறப்பாக இருக்கின்றன. அவருக்கு இணையாக சிறுவன் சாய் பிரித்விராஜும் சிறப்பாக நடித்திருக்கிறார். சபரியின் பயம் அப்பாவித்தனம் மற்றும் பாசத்தை மிகவும் இயல்பாக வெளிப்படுத்தியிருக்கிறார்.

லிஜோமோல் ஜோஸ் உள்ளிட்ட மற்ற நடிகர்களும் தங்களுடைய கதாபாத்திரங்களுக்கு நியாயம் செய்திருக்கிறார்கள். சாய் அபயங்கரின் பின்னணி இசையும் பாடல்களும் படத்தின் உணர்வுகளுக்கு நல்ல பலமாக அமைந்திருக்கிறது. செல்வகுமாரின் ஒளிப்பதிவும் 1980களின் காலகட்டத்தை அழகாக காட்டுகிறது.

படத்தில் தேவையில்லாத காதல் காட்சிகள் நாயக வழிபாடு போன்ற விஷயங்கள் இல்லாமல் மனிதநேயத்தையும் குடும்பத்தின் மதிப்பையும் முன்னிலைப்படுத்தியிருப்பது சிறப்பு. சில இடங்களில் குறிப்பாக கிளைமாக்ஸ் பகுதியில் படம் சற்று நீளமாக தோன்றினாலும் ஒட்டுமொத்தமாக பத்தா சிரிக்க வைத்து நெகிழ வைத்து மனதை தொடும் ஒரு நல்ல திரைப்படமாக இருக்கிறது.