‘தருணம்’ திரைப்பட ரேட்டிங்: 3/5
Casting : Kishen Das, Smruthi Venkat, Raj Ayyappa, Geetha Kailasam, Bala Saravanan
Directed By : Arvindh Srinivasan
Music By : Darbuka Siva and Ashwin Hemanth (Background Music)
Produced By : ZHEN Studios – Pugazh and Edan
சி.ஆர். பி.எஃப். அதிகாரியான அர்ஜுன்(கிஷன் தாஸ்) சஸ்பென்ட் செய்யப்படுகிறார். அடுத்து ஏதாவது பிரச்சனையில் சிக்காமல் இருக்குமாறு அறிவுரை வழங்கப்படுகிறது. அந்த நேரத்தில் மீராவை(ஸ்மிருதி வெங்கட்) சந்திக்கிறார். மீராவின் நண்பர் ரோஹித்(ராஜ் ஐயப்பா) தன் தோழியின் நலனில் அக்கறை கொண்டவர் இல்லை.
அர்ஜுன், மீராவுக்கு இடையே காதல் ஏற்பட்டு திருமணம் செய்து கொள்ள முடிவு செய்கிறார்கள். அதன் பிறகு அவர்களின் வாழ்க்கை தலைகீழாக மாறுகிறது. அமைதியாக இருந்து கொண்டு அனைத்து மோசமான வேலைகளையும் செய்கிறார் வில்லன்.
அர்ஜுன், மீரா சந்தோஷமாகவே இருக்கக் கூடாது என செயல்படுகிறார் ரோஹித். இந்த சீரியஸான கதையில் நண்பனாக வருகிறார் பால சரவணன். நாட்டை காக்க பயிற்சி பெற்ற அர்ஜுன் தன் வாழ்க்கையை காக்க எந்த அளவு வரை செல்வார் என்பதே கதை.
இயக்குநர் அரவிந்த் ஸ்ரீனிவாசன் தான் கையில் எடுத்துக் கொண்ட கதையை நன்றாக சொல்லியிருக்கிறார். தேவையில்லாமல் காமெடி காட்சிகளை திணிக்கவில்லை. முதல் பாதியை விட இரண்டாம் பாதி விறுவிறுப்பாக செல்கிறது.
அர்ஜுன் கதாபாத்திரமாகவே மாறியிருக்கிறார் கிஷன் தாஸ். ஸ்மிருதி வெங்கட்டின் கதாபாத்திரம் ஆரம்பத்தில் சுவராஸ்யமாக இருக்கிறது. ஆனால் கதை நகர நகர அந்த கதாபாத்திரத்தின் மீதான சுவாரஸ்யம் குறைகிறது. பால சரவணனால் தியேட்டரில் சிரிப்பு சத்தம் கேட்கிறது. பாடல்கள் வைக்க வேண்டுமே என வைக்கப்பட்டது போன்று இருக்கிறது. அடுத்தடுத்து என்ன அடுத்தது என்னவென்று நகத்தை கடிக்க வேண்டிய நேரங்களில் அந்த டென்ஷனே இல்லாமல் இருக்கிறது.
மொத்தத்தில், ‘தருணம்’ சிம்பிளாக சொல்லியிருக்கிறார்கள்.
