‘சிறகன்’ திரைப்பட ரேட்டிங்: 3/5
Casting : Gajaraj, Jeeva Ravi, Anand Nag, Vinoth GT, Fafzi Hithaya, Harshitha Ram, Rayil Ravi, Poovendhan, Malik, Balaji
Directed By : Venkateshvaraj.S
Music By : Ram Ganesh.K
Produced By : Durga Fedrick
ராணுவ வீரராக வரும் அனந்த் நாக், இன்ஸ்பெக்டர் ஆக வரும் வினோத், மாலிக் அனைவரும் பாத்திரங்களில் பொருந்தி இருக்கிறார்கள்.
பிஞ்சிலே பழுத்த மாணவனாக பாலாஜியைப் பார்த்தாலே நமக்குப் பதறுகிறது.
பிற பாத்திரங்களை ஏற்றிருக்கும் ரயில் ரவி, பூவேந்தன், ஆனந்த் வெங்கட் உள்ளிட்டோரும் நெருடாமல் நடித்திருக்கிறார்கள்.
ஒளிப்பதிவாளர் சேட்டை சிக்கந்தருக்கு பட்ஜெட் பக்காவாக அமைந்து விட்டதால் இயல்பான காட்சிகளைத் தவிர வேறு ஏதும் சேட்டை செய்ய வாய்ப்பில்லாமல் இருக்கிறது.
ராம் கணேஷ் இசையும் படத்தின் தன்மைக்கேற்ப ஒலிக்கிறது.
இது போன்ற புதிய முயற்சிப் படங்களில் இருக்கும் மிகப்பெரிய குறை, வெகுஜன ரசிகனுக்குப் புரியாத அளவில் தலைப்புகளை வைப்பதுதான்.
சிறகன் என்றால் என்னவென்று கடைசி வரை யாராலும் கண்டுபிடிக்க முடியாது. அது ஒரு வகை பட்டாம்பூச்சியின் பெயராம். இதையெல்லாம் தெரிந்து கொண்டா படத்தைப் பார்க்க வர முடியும்..?
அத்துடன் லாஜிக் விஷயத்திலும் நிறைய சறுக்கி இருக்கிறார் இயக்குனர். குறிப்பாக கணவர் ராணுவ வீரராக இருக்க, அண்ணன் இன்ஸ்பெக்டராக இருக்க அவர்கள் கண் முன்னமேயே ஹர்ஷிதா ராம் தூக்குப் போட்டுத் தற்கொலை செய்து கொள்ள… இருவரும் ஜன்னல் வழியே வேடிக்கை பார்த்துக்கொண்டு அழுது கொண்டே நிற்கிறார்கள். கதவை உடைத்துக் கொண்டு உள்ளே போய் அவரைக் காப்பாற்றி இருக்க வேண்டாமா?
அதை ஒரு சாமானியன் கூட செய்து விட முடியும். ஆனால், ஒரு ராணுவ வீரரும் காவல் அதிகாரியும் கையைப் பிசைந்து கொண்டு ஒரு தற்கொலையைத் தடுக்க கையாலாகாமல் இருப்பது எந்த விதத்திலும் லாஜிக்குடன் இல்லை.
ஆனாலும் புதிய முயற்சிக்கு ஆதரவாக இந்த படத்தின் திரைக்கதையை பாராட்ட முடியும்.
சிறகன் – தவறும், தண்டனையும்..!
