‘லக்‌ஷ்மிகாந்தன் கொலை வழக்கு’ திரைப்பட விமர்சனம்

‘லக்‌ஷ்மிகாந்தன் கொலை வழக்கு’ திரைப்பட ரேட்டிங்: 2.5/5

Cast & Crew

Vetri – Arivumathi
Rangaraj Pandey – Sivanandhan
Brigida Saga – Mallika
Maaran – Moorthy
Saravanan – Sargunam
Lizzie Antony – Soodamani
Aruvi Madhan – Velmurugan
Kanya Bharathy – Annam
Subramaniam Siva – Dharman

Producer – KV Shabarreesh
Banner – 2M Cinemas, D Pictures
Co-Producer, Story, Director – Dayal Padmanabhan
Screenplay & Dialogue – Kavitha Bharathy
Dayal Padmanabhan
Music and Background Score – Darbuka Siva
DOP – M.V. Paneerselvam
Editor – Bhoopathy Vedhagiri
Lyrics – Bharathiyar
Bharathidasan
Dayal Padmanabhan
Creative Team – Shaan
Kavitha Bharathy
Saru Raj
Colorist – John Sriram
Art Director – Soolai Anbu
Designer – Siva
Stills – Parthasarathy
Makeup – Kuppusamy
Costumes – Cuddalore Ramesh
Co-Director – Kannan Kaalimuthu
Associate Directors – Naresh
Tharagan D
Production Executives – Mariappan
Kutty Krishnan
VFX Supervisor – Stephen
PRO: Rekha
Social Media: Chowdrey

‘லக்‌ஷ்மிகாந்தன் கொலை வழக்கு’ இது ஒரு சாதாரண கொலை வழக்கை சொல்லும் படம் இல்லை. தூக்குத் தண்டனை உண்மையில் நியாயமா இல்லையா என்ற பெரிய கேள்வியை பார்வையாளர்களிடம் முன்வைக்கும் கருத்துள்ள படம்.

கதை முழுவதும் அறிவு என்ற இளைஞனை சுற்றி நகர்கிறது. படித்தும் வேலை கிடைக்காமல் வறுமையில் சிக்கியதால் திருட்டை தேர்வு செய்யும் அவன், ஒரு எதிர்பாராத சூழ்நிலையில் கொலை வழக்கில் சிக்கி தூக்குத் தண்டனை கைதியாக மாறுகிறான். அந்த சூழ்நிலைக்கு அவன் எப்படி வந்தான், அவனுக்கு வழங்கப்பட்ட தண்டனை உண்மையில் நியாயமானதா என்பதை படம் அமைதியாகவும் அழுத்தமாகவும் பேசுகிறது.

இயக்குநர் தயாள் பத்மநாபன் எந்தவித வணிக சமரசமும் இல்லாமல் கதைக்கு தேவையான விஷயங்களை மட்டுமே சொல்லியிருக்கிறார். குறிப்பாக நீதி, மனிதநேயம், குற்றம், தண்டனை ஆகியவற்றை எந்த பக்கச்சார்பும் இல்லாமல் விவாதிக்க வைப்பது படத்தின் மிகப்பெரிய பலம். படம் முடிந்த பிறகும் பல கேள்விகள் மனதில் ஓடிக்கொண்டே இருக்கும்.

வெற்றி படம் முழுவதும் தனது கதாபாத்திரமாகவே வாழ்ந்திருக்கிறார். நீண்ட வசன காட்சிகளிலும் கவனம் சிதறாமல் நடித்து படத்திற்கு பெரிய பலமாக இருக்கிறார். ரங்கராஜ் பாண்டே சிறை அதிகாரியாக மிகவும் இயல்பாக நடித்திருக்கிறார். அவருக்கும் வெற்றிக்கும் இடையே வரும் உரையாடல்கள் படத்தின் முக்கியமான அம்சங்களில் ஒன்று. பிரிகிடா சாகா, லிஸ்ஸி ஆண்டனி, மாறன், சுப்பிரமணியம் சிவா, கவிதா பாரதி உள்ளிட்ட அனைவரும் தங்கள் கதாபாத்திரங்களை நம்ப வைக்கிறார்கள்.

எம் வி பன்னீர்செல்வத்தின் ஒளிப்பதிவு எழுபதுகளின் காலகட்டத்தை அழகாக திரையில் கொண்டு வந்திருக்கிறது. தர்புகா சிவாவின் பின்னணி இசை பல காட்சிகளின் உணர்வுகளை இன்னும் வலுப்படுத்துகிறது. பாடல்களும் கதையோடு ஒன்றிணைந்து பயணிக்கின்றன. படத்தொகுப்பும் திரைக்கதையின் விறுவிறுப்பை காப்பாற்றுகிறது.

சில இடங்களில் வசனங்கள் அதிகமாக இருப்பதால் படம் கொஞ்சம் மெதுவாக நகர்வது போல தோன்றினாலும், அது சொல்ல வரும் கருத்துக்கு எந்த பாதிப்பும் ஏற்படுத்தவில்லை. ஒவ்வொரு கதாபாத்திரத்திற்கும் தனித்தனி நியாயத்தை கொடுத்து, இறுதியில் முடிவை பார்வையாளர்களிடமே விட்டுவிடுகிறது.

மொத்தத்தில், ‘லக்‌ஷ்மிகாந்தன் கொலை வழக்கு’ வித்தியாசமான கதைகளையும் தரமான சினிமாவையும் விரும்புபவர்கள் கண்டிப்பாக திரையரங்கில் பார்த்து அனுபவிக்க வேண்டிய படம். படம் முடிந்த பிறகும் அதன் கேள்விகளும் கருத்துகளும் நீண்ட நேரம் மனதில் நிற்கும்.